Gedichte vum Schwowekind
`s Schwowekind kommt aus´m Banat, gebor 1955 in Perjamosch un lebt seit 1975 in Oberbayern.
Mit großer Freed schreibts Gedichte uff schwowisch, welchi so richtich aus´m Lewe gegriff sin.
Meh iwwer´s Schwowekind erfahrt der uff seiner homepage: www.schwowekind.de
Die Pipatsch im Herrgott seim Garte
Die Pipatsch blieht noch immer dort,
wo all die Schwowe sin lang fort,
wo all die Heiser stehn heit leer,
die Pipatsch blieht im Blütemeer.
Die Pipatsch hat´s net intressert,
dass eener noch´m anre geht,
die Pipatsch werd´s dort immer gewe,
die Pipatsch weeß zu iwwerlewe.
Mir misse heit jo Dankscheen sahn,
for des was se for uns getan,
am Grab,wo keener kommt meh heile,
hat sie a Platz g´fun zum Verweile.
Hat des de Schwob sich mol gedenkt,
dass uns a Pipatsch sovill schenkt,
die Ahnegräwer sie heit ziert
un a die Hoffnung nie verliert?
Weil jedes Johr kommt se uff´s Nei,
uff jedem Grab is se debei,
die Schwowegräwer sin gepflegt,
de Wind iwwer die Pipatsch weht.
Die Pipatsch losst sich net vertreiwe,
sieg´heert dorthin un well dort bleiwe,
sie blieht am Grab un well uns sage,
ich sin do for eire Ahne.
Ich breit mich aus, ich blieh so rot,
un ich bleib do, ich gehn net fort,
ich werd mich jedes Johr vermehre,
hal eire Gräwer gern in Ehre.
Gedicht vun Anneliese ZagollaSchwowekind
02. Juni 2013